BestArewaMusic

Contact us For Music/Video Promotion Whatsapp: 09074457714 Email :abgentle01@gmail.com

Trending

Search

Thursday, 12 July 2018

Wasu matan Najeriya 'sun gigice' da son auren Dangote

Mata da dama a Najeriya suna ci gaba dab ayyana ra'ayoyinsu bayan wani labari da jaridar Financial Times (FT) ta wallafa, inda ta bayyana cewa mutumin da ya fi kowa arziki a nahiyar Afirka Aliko Dangote "yana neman matar da zai aura."

Wannan ya sa wadansu mata musamman a kafafen sada zumunta suka rika bayyana bukatarsu ta neman auren attajirin, wanda yanzu ba shi da mata.

Sai dai wasu daga cikin masu sharhi kan lamarin sun ce ba a fahimci ainihin zancen attajirin ba, don a cikin kalaman da ya yi wa jaridar ta FT,
bai fito kai tsaye ya ce yana neman matar da zai aura ba.

Ko ita ma jaridar ba ta sanya wannan magana a matsayin kanun labarin nata ba, sai dai wasu jaridun da suka dauki labarin ne suka sanya hakan a matsayin kanunsu.

"Shekaruna suna kara ja. Shekara sittin ba wasa ba ne...babu amfani na fita neman (aure) kuma idan ka samu ba ka da lokaci," in ji Dangote kamar yadda ya bayyanawa jaridar.

Ya ci gaba da cewa: "A yanzu haka abubuwan da suke gabana suna da yawa matuka, muna da matatar mai da kamfonin takin zamani da bututan iskar gas. Ya kamata na natsu," in ji shi.

Aisha Falke mai shafin Instagram na
northern_hibiscuss ta wallafa labarin Dangoten kuma ta shaida wa BBC cewa ta samu dimbin sakonni daga mata wadanda suke namen attajirin ya aure su.

Aisha ta kara da cewa: "Tun a ranar da na sanya labarin a shafina, mata suke ta turo min sakonni har da kiran waya, cewa na yi musu hanya.

"Sun yi tsammanin ko ta wajena ya zo neman auren, ba su san cewa ba ni da ko wacce irin alaka ko kusanci da Dangote ba, labari kawai na gani na sanya musu."